بقى الأدب .. قلة أدب

الرئيسية عامي عزة راجح فنون بقى الأدب .. قلة أدب

عاميعزة راجحفنون

بقى الأدب .. قلة أدب

فريق ألفا تيم

A+ A-

facebook twitter

 

‏عزة راجح‏

بقى الأدب .. قلة أدب

عزة راجح

عزة راجح

أهل الأدب بالأدب ..

 كانوا زمان عايشين

  الحرف كان الروح ..

 والقلب و الشرايين

 والحق كان دمهُم ..

 ولخطوته حافظين 

  كان القلم كالسيف ..

حر ونزيه وأمين

لو يترفع .. ينتصر

ويزلزل الخاينين

 دلوقتي فينا الأدب ..

  راسه بقت في الطين

 والحرف بقى يتسرق ..

 بكحلته من العين

والشله على سرقته ..

 رغم انهم شاهدين

بيكَرَّموا صُحبته .. 

بأوسمه ونياشين

و اللي بحق القلم ..

  حافظه ليوم الدين

عنه يِكفوا البصر ..

   وكأن مش شايفين

****

يا اهل الأدب ..الأدب

منكم ..  برئ وحزين

فكفاية قلة أدب .. 

ليه للأدب ناكرين

اصحوا وفوقوا الأدب ..

 نسمة هوا العارفين

اللي بتحيي الروح ..

 وتهذِّب الشاردين

وتحلِّي قلب الكون ..

 تنشر شذا الياسمين

تفشي السلام والأمل ..

 وعلى المحبه تعين

نسمه.. تزف النور .. 

بالورد والرياحيين

فكفاية قلة أدب ..

 وافتكروا يوم الدين

***********************

***********************

الوسوم: عامي عزة راجح فنون