تيسير المغاصبه
قصص قصيرة
المنتقمة
من على مقاعدهما في الكوفي شوب تبادلا نظرات الإعجاب،عندما رأى السيجارة في
يدها علم بأنه لايوجد معها علبة كبريت لأشعالها.
فكانت فرصته السانحة للذهاب إليها،
وقف أمامها بأدب مفتعل ..أشعل عود الثقاب..إبتسمت ووضعت السيجارة بين
شفتيها..أشعلتها وقالت هامسة بصوت خافت مثير:
-شكرا؟
-صباحك سعيد ؟
-وصباحك.
-ممكن إني أعزمك على فنجان قهوة؟
-ممكن طبعا بكون مشكوره.
عندها إنفرجت أساريره وإبتسم إبتسامة الظفر وقال:
-شكرا كتير إلك لأنك قبلتي عزومتي؟
-أنا إلي لازمه أشكرك على لطفك؟
-أنا أسمي خالد.
-عاشت الاسامي ياخالد ههههههه نفس الموقف إتكرر لما قابلت لؤي أول مره
وعزمني على فنجان قهوه هههههه ذكرتني بلؤي؟
-ومين هذا لؤي ياعزيزتي الحلوه؟
-رجل عرفته قبلك.. وعلى فكره وتقابلنا بنفس هذا المكان وبعدين بلشت علاقتنا
ههههه حتى إنتهت ب...هههههه وهسى بح؟
-شو يعني بح مافهمت ..يعني غدر فيكي لؤي ؟
-لا فشر هههههههه بح يعني راح ..تركته..وبعدين ...هه
المهم كان بحب يدخن على سيجارتي عشان الحومره إلي عليها ههههه يالطيف قديش
كان ملهوف علي هذا لؤي ؟
-وأنا كمان ملهوف عليكي أكثر أعطيني سيجارتك عزيزتي بسرعه؟
أعطته سيجارتها التي تلون فلترها
باللون الأحمر.. وضعها بين شفتيه وقال :
-الله ؟
-وكان كمان بحب إنو يبدل فنجاني بفنجانه عشان الحومره تبعتي إلي على حفة
الفنجان ههههه طبعا هذا الحكي أول ماتعرفنا؟
-هاتي حبيبتي فنجانك بسرعه مش قادر أتحمل ؟
-هههههههه ياااي إنتي كمان متل لؤي حبيتني من أول نظره؟
-طبعا وصرت أموت فيكي كمان .
-هههههه وكمان بدك إتمووووووت فيي زي مامات لؤي؟
إحتار خالد بتلك الفتاة الغريبة الأطوار،والغامظة جدا ،فتساءل في
نفسه:"ياترى هل أنا رجل داهية ..خطير
،أم هي فتاة طيبة ..ساذجة..! غير مهم ،لكن يبدو إنها ستكون وجبة دسمة في علاقة
عابرة ..لكن لماذا تحدثني في كل حين عن لؤي هذا.
قطعت عليه أفكاره بقولها:
-لؤي أول ما قعدنا هيك مع بعض مسك أيدي وباسها؟
-جد حبيبتي ..وهيني أنا بمسك إيدكي كمان وببوسها بوسات مو بوسه وحده بس.
-هههههههههه إنتى رهيب ياخالد.
-طبعا شو بتفكري أنا احسن من مليون لؤي تبعك هذا.
-بس فيه إشي كمان لازم إنك تعمله هسى مثل لؤي ؟
-أيش هو حبيتي ههههه أنا جاهز ؟
-إدفع لحساب وإمسك بئيدي وخذني معك على سيارتك إلي شبابيكها مظلله ومابنبين
للناس منها ههههه شو ماعملنا فيها؟
-أكيد بدي أعمل هيك يله بينا حبيبي على سيارتي..يله.
وعندما جلسا في العربة قالت له:
-بتعرف شو عمل لؤي وإحنا في سيارته؟
-آآه ..شو عمل لؤي حبيبتي؟
-ظله يضمني ويبوسني حتى مزع كل ملابسي ههههههه أديش كان شقي لؤي ؟
-وهيني أنا قاعد بعمل مثله وأكثر..وبعدين شو عمل كمان لؤي ..إنتي إحكيلي بس
كل إشي عمله دفعه وحده عشان أنا أطبق إلي عمله بدل ما كل شوي لؤي عمل ..لؤي سوى
..أي صرعتيني بلؤي هذا؟
-ههههههه ماشي حبيبي..هههههه طيب رح أحكيلك من الآخر حتى ماتزعل .. لؤي
أخذني على بيته ونمنا على تخته و.......إنتي أكيد بتعرف شو إلي بيصير حبيبي بعدين؟
قال وهو لايتمالك نفسه من الفرح؟
-أكيد أنا إلي بعرف..يله بينا حبيبتي .
وفي المنزل وعلى سريره قالت ضاحكة:
-ههههههه يالطيف شو لرجال بشبهو بعض ..وبعملو مثل بعض..مافي فرق بين كل رجل
ورجل..كلهم بحبو الجسد هههههههه ؟
-بس أنا أفضل واحد فيهم حبيبتي صح؟
-بس مو هاي المشكله ياخالد مين أفضل
ومين مو أفضل؟
-طيب شو المشكله حبيبتي ..كل إشي عمله لؤي أنا عملته ويمكن أكون عملته أحسن منه ؟
- صحيح ياخالد بس أنا معي إيدز.
هنا قفز خالد من مكانه مذعورا وقال صارخا:
-الله يلعنكي ويلعن لؤي.
تيسيرالمغاصبه
٢٥-٩-٢٠٢٤
![لوحات أدبية ثقافية، في: [ أساليب التعامل السوي ] = 8 =](https://blogger.googleusercontent.com/img/a/AVvXsEhooI4TSRwrBXLCpd44CATARumZvcSIG1VFEqn3SKUGG2FnvBTFXIsIkUKP42KbtlSS6zmqiffYVywzk1NJszW-cevAmiIuUzT2SB8YN74bCJ5WUWFpe1jfWOuZaPu-ZSiQjpU93G_11uBu1elMoGR3v1CZ4uK5hEoRkXOMXJIwCLiZg2aAFoOJrlsN=s72-w186-c-h516)
