محمود نوحو ابراهيم
أحلام وحب وفحص
(إلى طالبة ثانوي)
=========
======
زفه وهمس
شلون ماادري
الم عيني
من الدموع
تا اركض بدربك شمس
امس
لو
گبل امس
جنت امرايتي التحلم
بضمك شمس
وهلال للعيد وعرس
وضيعت بالحلم وجهي
من غبت عني
وضيعني امس
ضيعت حلمي بالعرس
وماظل غير الشراشف ذابلة
تحلم ابوس وهمس
و(وسادة خالية) تحلم
بلوي حضنات ولمس
تشتهي عض وكرص
كلش وحيدة ومن غبت
مثل الجرس
جني أدگ وادگ
وادگ... وأدگ
والباحة ابد(ن) خالية
ومامش درس
چنها راحة عيد
لو ميلاد
لو عطلة فحص
ماادري اني امخربط أبالي
الوكت
ماادري انته توهتني عالسكت
وخليت حصة الامس
باچر
وباچر اشتاگ لأمس
وعمري كله برسم امس
لاعبتني بكل وقاحة
بيت بيوت
عريس ولمة عرس
وفستان أبيض
تبوگني بيه عله فرس
ثاريك جذاب وباچر
ظل يدگ وحلمي ماخلص
والنوم طشك عشب
بري النفس
وَالمخمل نعس
يتّنا امس
رخصت عمري حيل
وخلّصت الدرس
وماحصلت مقبول
ياوسفه تحضير الفحص
***********************
***********************
