محمد زهران
ياريت حد يكلملي تركي آل الشيخ :لو تركي آل الشيخ كرَّم معلمين سأكون أول الحضور :
الناس اللي قاعدة تهاجم الفنانين والمطربين اللي حضروا التكريم في الرياض ؛ وبيتكلموا عن
الكرامة والانسانية وإزي الناس دي تقبل كده ؟ !! ؛ أولاً : الناس دي اتكرمت وقبضت
ملايين كمان ؛ فين الإهانة ؟ ؛ الإهانة إنك تكون غريب في وطنك ؛ الإهانة إن
وطنك يمرمطك ؛ لما تكون حضرتك مشارك في الدستور ؛ وتكون مبدع ومتخصص وخبير في شغلك
بل ومتفرد فيه ؛ ومخلص لوطنك وعايز وطنك يكون في السما ؛ ويتم فصلك من الخدمة ويتم
اقتيادك معصوب العينين كما يفعلون مع
الإرهابيين والمجرمين ( المجرمين ما بيعملوش معاهم كده ) ؛ ويرموك في السجن 15 شهر بدون أي ذنب ؛ غير
إنها مسألة مصالح متبادلة مع بعض اللصوص ؛ يبقى حضرتك مين اللي أهان مين ؟ ؛ بلدك اللي أهانتك ؟ أم تركي آل الشيخ ؟ !! ؛
نتفق أو نختلف مع تركي آل الشيخ ؛ لكنه نجح في المنصب الذي تولاه ؛ ربما نختلف في
الأدوات التي اعتمد عليها لتحقيق النجاح ؛ لكن هو بمقاييس النجاح والفشل ؛ ناجح
بامتياز في المهمة المكلف بها .
ياريت حد يكلمهولي علشان أتهان زي الفنانين والمطربين ؟!! .
دكتور محمد زهران ...
اكتب تعليقاً