Fatbardha Berisha Budini

TITULLI:SHPIRTI I NJË DJALI.

Nga terri u ngrite, si flakë në stuhi,

Me shpirtin e djegur, por kurrë në hi.

Ata që të puthën me helm e tradhti,

S’e panë se brenda po lindje përsëri.

Të panë të rrëzuar, të qeshën me ethe,

Të shuan me fjalë, me gurë e me nënqeshje.

Por s’dinë se dhimbja kur rri thellë n’palcë,

Kthehet në forcë, bëhet zjarr që s’ndal.

Tani je në pragun ku ëndrra merr frymë,

Me duart e djegura, por zemrën me dritë.

Nuk prite fundin, po vetë e ndërtove,

Me hapat që dhimbja në hekur i shkrove.

Kape atë dritë, bëje tënden me flakë,

Se ky nuk është fundi, por nisja e parë.

Hakmarrje s’është, veç drejtësi e pastër,

Një shpirt që s’thyhet, një zjarr që s’ndalet!

AUTORE: FATBARDHA BUDINI.

ALBANIA

***********************

الوسوم: عالمي فنون Fatbardha Berisha Budini