الجيش الذى هزم نفسه (أغبى المعارك)
الجيش الذى هزم نفسه (أغبى المعارك)
واحده من
نوادر الحروب ومثال على غباء الاستراتيجيات؛ الجيش الذى هزم نفسه..
ما حدث في
معركة "كارانسيبيس" سنة 1788 كان حرفياً أغبى خطة عسكرية في #التاريخ!
في الوقت ده، كانت الإمبراطورية النمساوية بتحا..رب الدولة العثمانية، والجيش
النمساوي كان متجه لمواجهة العثمانيين في مكان اسمه "كارانسيبيس"
(حاليًا في رومانيا). الج/يش كان متحمس، والليل قرب يدخل، فقالوا نبعث فرقة من
الكشافة تستكشف المكان وتتأكد إن مفيش جن/ود عثمانيين مستخبيين.
الفرقة دي
كانت مجموعة من الفرسان (الخيالة)، لكن بدال ما يركزوا في مهمتهم، لقوا مجموعة من
التجار المحليين بيبيعوا الخمور! فطبعًا، لأنهم كانوا مرهقين بعد رحلة طويلة،
قرروا يشتروا ويشربوا بدل ما يكملوا الاستكشاف.
....
بعد ما
الفرسان سكروا واتكيفوا، وصلت فرقة مشاة نمساوية، وطلبوا إنهم يشربوا مع الفرسان،
بس الفرسان رفضوا وقرروا يحتكروا الخمرة لنفسهم. وعلشان يبعدوهم، بنوا زي متراس
مؤقت وحاولوا يمنعوهم من الاقتراب!
الموضوع بدأ
يتطور لخناقة بين الجنود النمساويين نفسهم، ووسط الدوشة، حد صرخ وقال:
"الأتراك! الأتراك بيهجموا!"
الكلمة دي
كانت كافية علشان الجيش كله يدخل في حالة فزع! الجنود النمساويين، اللي من جنسيات
مختلفة (ألمان، مجريين، وإيطاليين)، بدأوا يضربوا على بعض، لأن كل واحد كان فاكر
إن التاني عدو، خصوصًا إن الجيش كان بيتكلم بلغات مختلفة، فكان صعب إنهم يتفاهموا
وسط الفوضى!
.....
القيادة
العسكرية، لما سمعت صوت الضرب، افتكرت إن الجيش في معركة حقيقية ضد العثمانيين،
فأصدروا أوامر بقصف المكان بالمدافع! يعني الجيش بدأ يضرب على نفسه بالمدافع كمان!
في خلال
ساعات، المعركة انتهت، بس المصيبة إن العثمانيين ماكانوش لسه وصلوا أصلاً!
ولما جم
بعدها بساعات، لقوا آلاف الجنود النمساويين قتلى أو مصابين، والجيش النمساوي نفسه
كان مبعثر وضعيف جدًا، فاستولوا على المدينة بكل بساطة بدون أي مقاومة!
...
ودي كانت
واحدة من أغبى المعارك اللي حصلت في التاريخ، وفضلت مثال واضح على إن أكبر عدو
ممكن يكون هو نفسك مش عدوك الحقيقي!
