عزة راجح
يا دا العفن
عزة راجح
يا دا العفن
الأمه ماتت
من زمن
ماتت خيولها
والجنود
جيفه بقت .. بياكلها دود
والريحه فاحت ف الوجود
والكل
متربَّص لها
حتى
الهاموش..
واللي ف
أوقات مجدها
كانوا يدوب
يتنططوا
على غصنها ..
زي القرود
دلوقتي مين
يحمي الحدود
الأمة ماتت
من زمن
لمَّا الاصول
اتدمَّرت
والنخوه ضاعت
والنفوس
اتغيَّرت..
رقصت على
احبال الهوى
وسيف الجهاد والحق..
بالإيد كسَّرِت
والعدل
باعت والضمير من غير تمن
ماتت موتٍتها
المؤسفه بموت الحيا
لما القلوب عِميت كمان واتحجَّرت
ماتت ومين
يقدر يصحي الميتين
ماتت وكان
فيها أملنا وحلمنا
من صلبها
يخرج لنا..
تاني ف كامل
هيئته
وبقوته
وبنخوته
حمزه بن عبد
المطلب
او عمرو وللا
بن الوليد
ناسها اللي
آمنوا بالجهاد
وان انتصارهم
باليقين
مش بالسلاح
ولا بالعتاد
كان حلمنا من
صلبها
يخرج صلاح
الدين
ينادي
.. يقول لها
من تاني ..
حي على الجهاد
غزة اللي صامده
لوحدها
وعلى دمها
بيعيش ويقوى
كل خاين للبلاد
ينصرها ويعين
العباد
في الاقصى
يتوضا ..
و تتقام
الصلاه
وتتحرر الارض
اللي عاشت عمرها
من بعده ف
ادين الطغاه
كان حلمنا
ومين مِننا
قادر يحقق
حلمه واحنا كلنا
أموات بقينا
..الدود بيقرف مننا
لله بقى وحده
.. نسلم أمرنا
وبرحمته مش
عدله نتمنى الحساب
يغفر لنا
يغفر هوانا
وانكسارنا وضعفنا
في الميعاد
