محمود نوحو ابراهيم
الكوكب حمزة..دولة محبة
==============
مات( كوكبنا)
ياطيور
وروحه شمس تدور
وتضوّي المحبه
ومثل بابل باقي
دولة حب يرسمها الحنين
وللعشگ نيشان دربه
مات( كوكبنا)
وظل حنين بروحه
وحشة
(گنطرة) تمر عليها أحلام شعبه
وظل كبرغيمة شوگ
تسگي بساتين البنفسج
دمع گلبه
مات (كوكبنا)
المثل عصفور أخضر
شايل بجنحه
تعب كل المحطات
وضباب غياب أحزان الوطن
(جاوين دربه)
مات (كوكبنا)
(ياطيورالطايرة)
يا(بساتين البنفسج)
يا(محطات) الحزن
حني عله تعبه
ولمي لوعة
روح غنت للربيع وللسلام
وللوطن شيلات غربه
مات (كوكبنا)
عله غيابه تبجي المناير
و الحمامْ
ال من نزف جرحه
غنى
مواويله بسكر كاس الغرامْ
مات (كوكبنا)
بوتر عوده ظل فرح گمرة
وللمحبة ظل ترتيل السلامْ
***********************
***********************
