محمود نوحو ابراهيم
تون وبالگلب
محمود نوحو ابراهيم
/ونك طعن چتال
وزود جروح ماتنلم /ولا تتنشال
غريب
/ بروشة العالم
/ وصفناتك
توز هموم عيت عن حملها جبال
غريب
/وحشتك تلوي
/ركد روحك
/ وتوزلك نار
بالدلال
غريب
/تمرعله فرانا وعد بالشوگ
/ وياسك ماتجره احبال
غريب
/ جروحك تورد عطش صبير
/ تورّ گلبك ولاتنگال
غريب
/ بحرفك ولفظك
غريب
/بنثرك وشعرك
/و من تهمس هدر شلال
غريب
همومك تعرس
وبيها تموت حتى ضحكة
الجّهال
غريب
وديرتك غربة
وفنجالك صباح الله
تديره لروحك العذال
غريب
وماتلم صبرك
صواني الهم
وماتجّفي شرع همك
يدك كلبك رچيچ الحال
غريب
هبوبك تغرب
وگلبك لوعته بشمال
يم وردٍ سكيته
الروح
وبس ورد جفاك ومال
غريب
وطيبك يهلهل
وفا للخانك اشگد عال
وظل جرحك
عطر ورده
وشمع عمرك وفا همال
***********************
***********************
