عمرو الطويل
الغلا غُول
بياكل في الغلابة
فقير مَذلُول
في دُنيا قلَّابة
أسعار فيها عفريت
و كل يوم بتزيد
هي حكاية كل بيت
نار في حطب تأيد
على اللسان تنهيد
كِتِر الطَّلب ع الفُول
الغلا غول..
الناس بتفكر هتاكل إيه
فِراخ ولحمة و لَّا بانيه
بقت على قد الباشا والبيه
بالذِّمة ده معقول...
الغلا غُول.....
الغلا سِكِينة تِلْمة
بتدبح فِي الفقير
مَحَدِّش طايق كلمة
من صُغيَّر أو كِبير
واقفة كل الحُلُول
الغلا غُول...
عمرو الطويل
***********************
***********************
