محمد البنا
قلبي ملّك
قلبي ملّك
أنتي كلك
مش دقايق أو ساعات
قلبي فات الدنيا ليكي
مش ف حاجة لحاجة منك
أو لأنك...هدتيه
كل طعنة غدر بيا
حس بيها..بتخاويه
لازقة فيه
حب إيه أو ذل إيه
بعد إيه أو قرب إيه
كله تيه أو ميه راكدة
ووهم وحدي عشت ليه
وهم كنتي جوه روحي
حلم بايت ..تنسجيه
وانتظاري همسة منك
كنه فجر هتشرقيه
روحي كنتي وكنت روحك
مش حقيقي
الحقيقة حبل دايب شدتيه
ماسكة طرفه
وطرف تاني ماسكهُ غيري
بتشنقوني وتشنقوا
أوهامي بيه.." ياللا ..أصحى "
الحلم ...فات
محمد البنا...القاهرة في ٢٥ فبراير ٢٠٢٣
***********************
***********************
