علي مرسي
أصحاب الفنكوش
كل شويه الاقى ناس فى التربية والتعليم بتبارك لواحد أصبح مدير مدرسه أو
أصبح مدير مرحله أو أصبح مدير قسم أو حتى
بقى مدير إدارة بصراحه بحزن وبااتعحب من كمية التهنئة والمباركه على وظيفه
الأقل ما توصف بها أنها تكليف مؤقت ،،،هى فى الحقيقه ترقيه فنكوش ،،لان لوظيفه إلى
تطلع فيها درجه درجه من بداية السلم وتلاقي نفسك فى لحظه تنزل سابع ارض بجرة قلم وترجع مدرس هى فى
الحقيقه فنكوش لا تستحق حتى الفرحه ،،الوظيفه اللى تفنى عمرك علشانها وتستحمل حرقة
الدم وتتحمل تطاول أولياء الأمور من جهة أو تعالى وتكبر اللى أعلى منك ما تستحقش
التهنئة ،، الوظيفه اللى ما يكنش لها
ميزانيه أو موارد ويكون منك مطلوب تصرف على المدرسه او تصرف على الوظيفه ويتقال لك
صرف نفسك وشغل دماغك ولما تشغل دماغك وتمشى المركب تروح النيابه الاداريه وتتعرض
سمعتك الاهانه وانت عندك بيت واسره
ماتستحقش التهنئه ٠ كان فى زمان مثل على اد لحافك مد رجليك لكن المشكله لما
يحونش عندك لحاف وعايز تتغطى. ..ياريت يكون فى لحاف لأن اللحاف هو المركز قانونى يترتب علي
الترقيه.ويحميك .او يحفظ ماء وجهك .اللحاف يعنى نص الموارد أو ربع المصروفات
الدراسيه .. ..من وظيفة مدير مدرسه إلى وظيفة مدير إدارة هى وظيفه المتغطى بها
عريان ,,,لذلك باقترح أن تكون ترقيات
التربيه والتعليم ترقيه بجد بالتنسيق مع التنظيم والإدارة والوزاره ، وتخصيصي ميزانية ربع المصاريف الدراسيه على الاقل
للمدارس زى زمان ..الترقيه اللى تخليك خايف ..مهزوز ..وتوافق على اى تعليمات ولو
غلط وانت خايف تسال أو وانت منزوع الاراده ما تستحقش التهنئه
![لوحات أدبية ثقافية، في: [ أساليب التعامل السوي ] = 8 =](https://blogger.googleusercontent.com/img/a/AVvXsEhooI4TSRwrBXLCpd44CATARumZvcSIG1VFEqn3SKUGG2FnvBTFXIsIkUKP42KbtlSS6zmqiffYVywzk1NJszW-cevAmiIuUzT2SB8YN74bCJ5WUWFpe1jfWOuZaPu-ZSiQjpU93G_11uBu1elMoGR3v1CZ4uK5hEoRkXOMXJIwCLiZg2aAFoOJrlsN=s72-w186-c-h516)
