عزة راجح
ولا راضيه السحابه تمُر
عزة راجح
عزة راجح
خطاوي الشر ممدوه لسنين أدام
ف حين الحق متكتف
ولا بياكل
ولا بيشرب
ودمعه ع الخدود اكوام
سألت الصبح ليه باهت
وفين شمسك
وفين نسمة هواك اللي
اديها الحره بتطبطب على اللي ف حاله
مش عايز مع الدنيا ..
يقع ف صدام
وخايف قلبه وبيرجف ..
علشان الحق متكتف
فسهران ليله مش قادره عنيه تغفل
ولا قادر للحظه ينام
وكاسرُه الشر ومكسَّر مآديفه
وسارق قوته ورغيفه
ومحتاجلك عشان يقدر على صبره
تعينه يشيل على ضهره
همومه و قهره والاحلام
فرد الصبح بدموعه
وقال شمسي سجنها الشر
وانا وحدي باجاهد بس مش قادر
اجيب نورها..
ولا راضيه السحابه تمر
بدون النور بقينا للشرور خدام
فهات ايدك × ايدي ونطرد الأوهام
ونقوى ونسعى ونخطط
نزيح الشر ونجاهد
نعين الحق و بقوه
عشان يرجع مع الأيام
وتاني يسود ..
وينصر تاني كل ضعيف
وللمظلوم يجيب حقه
ويدفع خطوته لأدام
محبتي للاصدقاء
🌹🌹🌹🌹
***********************
***********************
اكتب تعليقاً