مسحراتي منقراتي
أحمد فاروق بيضون
في البلاد سوااااح
لفيت كتير وياما شوفت
وفي الميدان وقت الأدان.. ومن زمان
حبِّة شقاوة.. ومرازيَّه.. طبلَه وجنان
اصحى يا نايم.. اصحى
وبعوده يا رمضان...
مسحرَّاتي عاشق وهايم
تلاقيني صايم
في الحب نغَمي سارح وعايم
في الفلوكَه
وانتَ يا حُوكَه يا عازف الدلُّوكه
أوعاك تروَّح من غير ما تصحي دُولا ودُوكا
ولاَّ تلاقي دربوكِّة الدنبوكَه
اصحى يا نايم.. اصحى
رمضان كريم...
مسحراتي وديْدبان
لفّيت كتير والحلوْ بان
والضحك صاحبي.. وكان اللي كان
وبلاش تخلِّي م الأحزان خزَّان
أوعاك تشوفني بَهلوان
دي مصر أحلى.. لمّة جيران
وعيال بتضوي فوانيس.. تنوّر بيبان
عشانك إنت يا ماريا.. السمسمية مع الكمان
والطبلَة ترسم شكل المكان
إصحى يا عابد.. إصحي يا حنان
رمضااان كريم
مسحراتي منقراتي..
َوآه مِ اللي جاني يا مدام أماني
وآه مِ الزمان يا مدام إيمان
إصحى يا لوزه وفوقت عوزه
الأصيل يبان
يابو الحلاوة حتة مشبِّك
وبلاش يا فاطنة مالمِسبِّك
عود الغزال والشوق ميّال
واللمة أحلى ويَّا العيال
إصحى يا نايم إصحى
رمضان كريم...
الشمس صافيه والميه دافيه
والبُلطي سارح والبوري طارح
عزومتي النهارده على الحِنشان
وبلاش يا إنجي البتِنجان
مسحراتي أنا ووصفتي
في الكتب مع الشيف بوراك ورَوان.
