محمود نوحو ابراهيم
طبع
طبع الندى يطيح الفجر
وطبعك تطيح بكل وگت
وطبع الزهر يشذي عطر
وطبعك تبوح عله السكت
وطبع القصايد من تطر
تجرّح عراجين الصمت
وطبعك قصيدة
تلولح أجراس المطر
طلعة شمس
وشعرك يطير
غياب
وهبرية عرس
مشغول بالنعاع
ياحاضر وأمس
يانون بكتاب الحنين
وكون مكتوب بهمس
يل هلتك
كل المواسم
عيد وهلالك عرس
ياكحل يا مشغول
ياضو الورد
ترسم حدود الليل
يل مالك بعد
وتمطر حنين سنين
من تجفي وتصد
مالك بعد
مثل السهر
تكتب جفن
سكران
يتلعثم شهد
ياكحل ياضوجة شِعر
مالك بحر
تركض شلايل
غيم
بخطاك ورعد
مالك صدى
يركض حنين الشوگ
بحدودك مدى
وسوالفك مزراب
للعطر ومطر
اسود
حبر يكتب نشيج الروح
ودروب
أولها البعيد
***********************
***********************
