جاري تحميل ... ألف ياء

إعلان الرئيسية

إعلان

عاجل

إعلان في أعلي التدوينة

جديد علَّم نفسك
عاميفنونمحمود عبد المعطي

أنا مش زعلان

فريق ألفا تيم
A+ A-

 

محمود عبد المعطي

أنا مش زعلان

لا انا كنت ف قول الحق جبان

ولا عشت خسيس اراجوز في ميدان

ولا خُنت وبعت زمان بزمان

طب هزعل ليه وانا قادر انام

واحلم

واشوف اللون ألوان والكون اكوان

وتقول مجنون . مفتون . فنان .

أنا عاوز بس أعيش إنسان

من حقي أنام والحلم ياخذني

أطير على ظهر حصان

أفرد دراعاتي لحضن أمان

وأفتّح عيني في عين الشمس

وافك قيود اليوم والأمس

أوزّع كل نجوم السما على خلق الله وبعدل الله

ولا نسمع آه .. في بلاد الله

بتقول لله الحب يا ناس

ولا قلب ضناه زمن الحرمان

ولا قلب غواه ع الغدر شيطان

أنا نفسي أعيش عمر الإنسان

أنزل في ميدان العشق أكون سيد الفرسان

أحلم وياخذني الحلم لأرض براح

ما فيهاش أرواح تنداس وضمير بيموت

ولا صوت غربان على شجره توت

وجراح بتعيش وقلوب في تابوت

وكلاب على باب العمر تفوت

ولا موت يدّن لعذابي أدان

أنا مش زعلان

أنا عايز بس أعيش إنسان

#محمود_عبدالمعطي

 



***********************


***********************

الوسوم:

مقالات ذات صلة

إعلان في أسفل التدوينة

اتصل بنا

نموذج الاتصال

الاسم

بريد إلكتروني *

رسالة *

جميع الحقوق محفوظة© ألف ياء