الرئيسية الصف الثالث الثانوي امتحانات رابط تحميل النماذج الاسترشادية لامتحانات الثانوية العامة 2023 PDF

رابط تحميل النماذج الاسترشادية لامتحانات الثانوية العامة 2023 PDF

رابط التحميل أسفل المقال

جديد نماذج امتحانات الثانوية العامة 2023

إلى وزارة التعليم.. عن نماذج امتحانات الثانوية العامة:

= اليوم، نشرت وزارة التربية والتعليم، مشكورة، النماذج الاسترشادية لشكل وطريقة امتحانات الثانوية العامة، علشان الطلبة تتدرب على طريقة الأسئلة، ولكن:

= ماذا يمنع أن تقوم الوزارة بعمل استبيان لمعرفة رأي الطلاب والمعلمين في نماذج الامتحانات.. أنا مش بتكلم عن محتوى الأسئلة، ولكن بتكلم عن شكل ورقة الأسئلة، وصياغة الأسئلة، وطريقة عرض الاختيار من متعدد.

= ليه بتكلم عن استطلاع رأي الطلبة والمعلمين؟. لأن الطالب هو الهدف، وهو اللي الوزارة كلها شغالة علشانه، وأكيد ليه وجهة نظر محددة، والمعلم كمثل.

= يعني مثلا. الطلبة عايزة قصاد كل سؤال مطبوع درجة السؤال. ومن حقي كطالب أكون عارف السؤال كذا عليه درجة والسؤال كذا عليه درجتين، وهكذا. وأعتقد مفيش مانع تتعمل ويتكتب قصاد كل سؤال الدرجة بتاعته.

= مثلا برضو. ليه ينزل النموذج الاسترشادي ويكون فيه الأسئلة المقالية موجودة وسط أسئلة الاختيار من متعدد. ليه متكونش في آخر ورقة الامتحان أو في مكان منفصل في نفس ورقة الأسئلة. مينفعش ألاقي في النص كدة سؤال مقالي، وسط أسئلة اختيار من متعدد.

= مثلا برضو.. لسه فيه أسئلة لها إجابات تبدو متقاربة ومتشابهة ومربكة للطالب (وده كلام معلمين متخصصين مش كلامي أنا) مع إن الوزير سبق وتعهد إن لكل سؤال إجابة واحدة واضحة.. صحيح الأسئلة اللي ليها إجابات متشابهة قليلة جدا (ودي حاجة كويسة عن السنين اللي فاتت) لكن مينفعش يكون فيه سؤال واحد له إجابتين متشابهتين، طالما مستقبل الطالب ممكن يتوقف على درجة واحدة لما بيجي يقدم في التنسيق.

= لما بتكلم عن عمل استطلاع رأي للطلاب والمعلمين المتخصصين ولو على صفحة الوزارة على فيسبوك ويتم استقبال التعليقات ودراستها ومراجعتها مع المختصين، مش بفتح المجال إن حد يتدخل في طريقة وضع الأسئلة. كل الحكاية إن الطلبة ليهم مطالب وحقوق (بعيدة عن التدخل). زي النقط اللي اتكلمت فيها، وأعتقد دي مطالب عادلة جدا ومش هتكون سبب في مشكلة للوزارة لما تيجي تطبقها. بالعكس هتطمن وتريح الطلبة. فبلاش تفرضوا عليهم وضع سهل تحسينه بإجراءات سهلة وبسيطة.

= شكرا مقدما وزارة التعليم على هذا الجهد

احمد حافظ

صحفي بالاهرام

رابط تحميل النماذج الاسترشادية لامتحانات الثانوية العامة 2023 PDF

من هنا

***********************

الوسوم: الصف الثالث الثانوي امتحانات

وصف المدون

إعلان

عاجل