الرئيسية آراء الصف الثالث الثانوي تعليم النماذج الاسترشادية نسخة طبق الأصل من امتحانات الثانوية العامة 2023

النماذج الاسترشادية نسخة طبق الأصل من امتحانات الثانوية العامة 2023

معلومات تعليمية ع السريع:

أولا: الثانوية العامة..

= آخر موعد لتسجيل استمارة امتحانات الثانوية العامة إلكترونيا يوم 28 فبراير، بعدها مش هتعرف تسجل الاستمارة اللي من خلالها بتدخل الامتحانات.

= النماذج الاسترشادية اللي هتدرب منها على شكل الأسئلة، الوزارة هتعرضها على موقع الوزارة الأسبوع الجاي، ودي نسخة طبق الأصل من امتحانات آخر السنة.

= الوزارة هتنشر نماذج إجابة، للنماذج الاسترشادية اللي هتعرضها على موقعها الرسمي، علشان لما تحل انت، تقارن إجابتك بنموذج الإجابة اللي الوزارة هتعرضه.

= الوزارة هتعرض نموذج لكل مادة في جميع التخصصات، يعني مش هتعرض نموذج واحد لمادة واحدة.

= مفيش نية خالص لإلغاء القصة، لا في العربي، ولا في الإنجليزي، وهيجي منهم سؤال في الامتحان لكل مادة.

= جدول امتحانات الثانوية العامة الوزارة هتعلنه أول مارس.

= امتحانات الثانوية العامة هتبدأ في المواد الأساسية ١٧ يونيو، لكنها هتبدأ ١٠ يونيو للمواد غير المضافة للمجموع، والمواد دي مفيهاش أسئلة مقالية خالص.

ثانيا: صفوف النقل..

= امتتحانات الشهر هتكون قصيرة وبسيطة يعني كام سؤال صغيرين أثناء الحصة وشكرا على كده.. يعني حوالي نص الحصة امتحان ونص الحصة شرح عادي، وده غير اللي حصل تماما في الترم الأول.

= امتحانات الشهر هيكون لكل فصل في المدرسة امتحان مختلف عن الفصل التاني، والمدرس بتاع الفصل هو اللي هيصححه.

= امتحانات الشهر لأولى وتانية ثانوي بخط الإيد في ورقة مش على أجهزة التابلت.

= لو الطالب حصل الدرجة النهائية في امتحان الشهر الأول، ومش عايز يروح امتحان الشهر التاني هو حر، ميروحش، طالما خد الدرجة النهائية في امتحان شهر واحد.

= لو لقيت المدرس كاتب السؤالين تلاتة بتوع الشهر على السبورة متستغربش، عادي، لو لقيت مدرستك طابعة الكام سؤال وموزعاهم عليك برضو عادي، هم كام سؤال وشكرا، ويمكن يكونوا أربعة خمسة بالكتير يعني.

= بالنسبة للطلاب المصريين في الخارج اللي بيسألوا عن تخفيف المناهج: ما ينطبق على طلاب الداخل ينطبق عليهم، نفس الدروس ونفس التخفيف، اللي اتلغى هنا هيتلغى لهم.

= بخصوص إضافة اللغة الأجنبية الثانية في الإعدادية، مش هيطبق الكلام ده قبل العام الدراسي ٢٠٢٤- ٢٠٢٥.

= والسلام عليكم

احمد حافظ

صحفي بالاهرام

***********************

وصف المدون

إعلان

عاجل