علي مرسي
فكره... ايه رأيكم؟
عيد الام فكره بدأت فى امريكا
ونقلها لمصر الكاتب الصحفى مصطفى أمين ورغم وجاهة الفكره وهى فكره جيده إلا إنى
. باأقترح إن حفلة عيد الام فى المدرسه ما تتعملش علشان الطفل اليتيم اللى
امه ماتت قلبه بيتقطعش وبيتقهر فى اليوم ده وما يحسش بالحرمان ونفكره انه مختلف عن
زمايله وانه فقد أحن انسانه عليه ، وانه بيلبس لبس المدرسه لواحده وان امه مش معاه
فى الحفله وانه فقد الحضن اللى يضمه والايد اللى بتمسح على شعره وبتطبطب عليه ،
ولو عملنا الحفله وكان لابد !! يبقى نقول
فى الميكرفون انه عيد الاسره... عيد الام والاب وعيد الاخ والاخت عيد وفاء للاسره المصريه كلها . فى اطفال كتير بتعيط وتبكي فى اليوم ده
وبتتألم .
بااقترح انه يبقى اسمه فى الاعلام عيد الاسره علشان الاخ الكبير يتصل او يهنىء اخواته البنات اويجيب هديه لو يقدر لاخته الكبيره ولو
ماكانش يقدر يبقى كلمه حلوه منه لاخواته هتسوى الدنيا عندهم .. يقولهم انا ابوكم
وامكم بدل اللى ماتوا الله يرحمهم ويقراوا الفاتحه لامهم سوى ، اكيد هيرضى امهاتنا
واباءنا اللى رحلوا فى قبورهم وهيحسوا بينا . ياريت فى اليوم ده كل اخ يقول كل سنه
وانتوا طيبين لاخواته او يزورهم وكل اخت تتصل بااختها تقولها كل سنه وانتي طيبه ،
باقترح إنه يبقى اسمه عيد الاسره علشان الدنيا اللى فرقتنا وبعدتنا وغيرتنا ، عيد
لكل الاسره.. اسره فلان اللى ابوهم واحد وامهم واحده اللي ربونا سوى من ايام ما
كنا اطفال صغيرين فى ابتداءي عيد يجمعنا ، و نفتكر الاب بكلمه بسيطه تجبر بخاطره
فى اليوم ده . رفقاً بقلوب بتنجرح فى اليوم ده . ايه رأيكم فى الفكره والاقتراح.
![لوحات أدبية ثقافية، في: [ أساليب التعامل السوي ] = 8 =](https://blogger.googleusercontent.com/img/a/AVvXsEhooI4TSRwrBXLCpd44CATARumZvcSIG1VFEqn3SKUGG2FnvBTFXIsIkUKP42KbtlSS6zmqiffYVywzk1NJszW-cevAmiIuUzT2SB8YN74bCJ5WUWFpe1jfWOuZaPu-ZSiQjpU93G_11uBu1elMoGR3v1CZ4uK5hEoRkXOMXJIwCLiZg2aAFoOJrlsN=s72-w186-c-h516)
