إلى من يهمه الأمر ومن يهتم إلى وطن كان
عزة راجح
إلى من يهمه الأمر ومن يهتم إلى وطن كان وسيظل مركز اشعاع حضاري وبؤرة نور
الكون ومركزه
"لملم التابلت من على ماركت بلاس واوليكس ياسيادة وزير التربية
والتعليم" ومرفق بعض الصور ...
سيادة وزير التربية والتعليم عارف سيادتك عملت فينا ايه ووصلتنا بنهجك
لفين؟!
اقول لك ادخل ماركت بلاس واوليكس
وشوف التابلت اللي اهدرت فيه المال العام الطالب بيبيعه عليهم بكام
واتحدى سيادتك .. لو امتحنت الطلبة بامتحانات موضوعية واتصححت بالحق والعدل
النتيجة هتكون " لم ينجح أحد"
اقل تهمة ممكن توجه لسيادتك هي تهمة اهدار المال العام
والتانيه افساد العملية التعليمية
اقسم ..
الاولاد بقوا ببساطة مش بيفكوا الخط ....
سيادتك الاستعمار علشان يدمر مصر قفل الكتاتيب وعمل مدارس
سيادتك كملت على اللي باقي ودمرت المدارس
التطوير مش بيكون ف الوسيلة انما ف مناهج تواكب العصر
وبيئة صالحة للعملية التعليمية
حاجات كتير مفروض تحصل علشان نحمي اولادنا من الاستخدامات الخاطئة والمدمرة
للتكنولوجيا..
سيادتك الاولاد خدوا من التاب وسيلة لمشاهدة كل ما هو ...... للاسف سيادتك
فتحت باب الشر .. كان ممكن الطالب يفتح بنك المعرفة من فونه او السايبر اللي بيقضي
وقته فيه او شاشة الكمبيوتر ف بيتهم ..
جاحات كتير مفروض اقولها ... لكن مين يسمع
سيادتك مش عارف انت بتعمل ايه ولا خططت ولا درست ولا جربت ولا اكتشفت
مشكلات ولا عالجت
دي بلد سيادتك ومش اي بلد
دي مصر ..
مصر اللي نشرت النور ف ربوع الكون
اللي بتعمله سيادتك هدم للكائن اللي مفروض يشيل الشعلة واللواء ويكمل وينهض
بها
سيادة رئيس جمهورية مصر العربية
نداء من عاشقة للوطن
دعمت سيادتكم للارتقاء بالمحروسة
اتوسل اليكم افتحوا ملف التعليم ...
التعليم = بناء الانسان = بناء الاوطان = الارتقاء بالانسانية = مكان في
صفوف البلدان المتقدمة ورفع لواء مصر عاليا
سيدي الرئيس سيادة الوزير يتخبط والنتيجة للاسف ضياع الاجيال وانحدار الوطن
