الفرق بين الخطأ والخطيئة
علي مرسي
الفرق بين الخطأ
والخطيئة
علشان نعرف الفرق بين الخطأ والخطيئة لما تلميذ
فى الفصل يسرق ساندوتش ااو قلم من زميله
ده اسمه خطأ يتعين عليك تاخد التلميذ المخطىء على جنب وتقومه وتنصحه ومش
عيب لما تدى له فلوس يشترى قلم او يشترى شاندوتش . لكن لو اهانته قدام زمايله
وقولت عليه حرامى او تضربه وكل الفصل يعرف
انه سرق !! كدا هيبقى انسان منبوذ وهتبقى صنعت منه مجرم حقيقى لان كل زمايله
هيفضلوا طول عمرهم هيعتبروه حرامى
وهيقولوا عليه حرامى دى إسمها خطيئة . خطيئه انت ارتكبتها فى حق المجتمع ..ولما
طالب وطالبه فى مرحلة المراهقه يحبوا بعض فى مدرسه اعداى مجرد حب او يكلموا بعض مجرد كلام فقط وتكون انت اخصائى اجتماعى أو مدير مدرسة
ماتعملش مذكره او استجواب او شوشره
، وما تستغلش الموقف علشان تعمل شو او
تصفى حساباتك مع مدرس الفصل او مدرسة الفصل ؟!..لكن يكون الحل بهدوء مش عمل محطة
اذاعه !! وبالنصيحه بدون شوشره حرصا على سمعتهم وسمعة اسرهم ، وإذا كان هناك خطأ
فلا ترتكب انت خطيئة أو جريمة تدمير اسرة او سمعة عائله او انسان فى المجتمع تظل
عالقه بالاذهان تلوكها الالسنه لمجرد الشك . ياريت كل واحد فى المجتمع ما ينصبش من
نفسه ملاك او نبى او قاضى القضاه .. ( من كان منكم بلا خطيئة فليرمها بحجر) .
وخد بالك من لسانك فكما
تدين تدان . فربما تُخطىء انت نفسك يوما ما او توضع فى موضع شبهه حتى لوكنت برىء
او يخطىء ابنك او ابنتك يوماً ما او حتى احد اقاربك فلسنا ملائكه. علشان كدا فى
القانون اخترعوا عقوبة الحبس مع ايقاف التنفيذ لاعطاء الانسان فرصه تانيه للاصلاح
والاتعاظ وعلشان يتعلم من اخطائة ويبدأ حياته حتى لا يتحول لمجرم .
اكتب تعليقاً