اقتراح هام للسيد الوزير
علي مرسي
معالى الوزير
السيد الدكتور وزير
التربية والتعليم
الساده مسئولى الوزاره
والساده وكلاء الوزارات
تحيه طيبه وبعد
عندنا اقسام يمكن دمجها
بسهوله لتوفير مليارت من البدلات والانتقالات للدوله مما يعود بالنفع على الدوله
والمعلمين . عندنا فى دوواوين الادارات المكتظه بالمدرسين والموظفين فضلت خيرك
الاتى عندنا وفى اخصائي تغذيه مؤهل عالى ودبلوم تربوى بيشتغل بيوزع الاغذيه او
التغذيه على بعض المدارس فقط تلاته او اربع شهور بالكتير بس وفى الصيف لاشغله ولا مشغله والقسم فيه 3 مدرسين على
كام ادارى وخد عندك الاتصال السياسى اللى
ممكن يضم للمكتب الفنى او للامن
اوللعلاقات العامه لتشابه عملهم والمشاركة المجتمعيه اللى ممكن تضم للتربيه الاجتماعيه للتشابه وعندنا تربية اجتماعيه وتربية سكانيه
وتربيه نفسيه وعملهم واحد وشغلهم واحد الى
حد كبير رغم إن ممكن نضم التربية السكانية للام اللى هى التربية
الاجتماعية توفيرا لعدد الموجهين او المدرسين فى المدارس وكمان سجلات وعمل التربية
الاجتماعيه تقريبا هى سجلات التربيه نفسيه فى الندوات والمحاضرات ..الخ ودولا كلهم
ولاد خالات وعندنا موجهى الصفوف الاولى وعندنا القرائيه والحسابيه ودولا برضو كلهم
ولاد خالات وعندما قسم للموهوبين وقسم المبتكرين وقسم المبسترين رغم ان المبتكرين
هم نفسهم اكيد موهوبين وعندنا قسم لتكافؤ الفرص يرغم انه ليس له عمل مختلف عن غيره
او مميز وليس له توجيه عموم بالمديريات عندنا قسم للتخطيط وقسم للتخطيط
الاستراتيجى بيعمل ايه وبيبدع ايه ويختلف فى ايه عن قسم الجوده وممكن ضم الاقسام دى لتوفير مدرسين بالمدارس او
حتى موجهين وعندنا قسم للتعلم النشط وقسم تانى للتعلم الذكى رغم ان الفرق بين
القسمين زى الفرق بين محفوظ ومحفوظ ابو طاقيه وعندنا قسم الجوده رغم ان مافيش
مدارس بتاخد الجوده الا فى حالة تعامد الزهره مع كوكب عطارد لحظة مرور مذنب هالى .
