(( ✨ النجوم الميتة✨ ))
فاطمة أسامة
زي ما أي حاجه بتموت
النجوم كمان بتموت هتكلم معاكم شوية عن بعض النجوم الميتة و شوية تفاصيل عنها
1..(الاقزام البيضاء
) "white dwarfs "🌝🌝
_ اتكون ازاى القزم
الابيض ده بقى؟؟!
= هحكيلك .فى نهاية
حياة نجم عملاق آحمر بتنفجر طبقاته الخارجية و ميفضلش من الانفجار ده غير قلب النجم
بيفضل سليم و بيبقى قزم أبيض و
ينتج عن آنفجار الطبقات الخارجية للعملاق
الاحمر ده سديم كوكبي.
هسيب صور للسديم
الكوكبى تحت ابقوا شوفوهم بقى 😉
بينتمى النوع ده من
النجوم للنوع الطيفي (D)
،و تبلغ نسبة انتشارها
حوالي 0.4% . و تتراوح درجة حرارتها من8.000 الى 40.000 كلفن .
تتميز الاقزام
البيضاء بكثافة عالية جداااا ولكن النجوم النيترونية بتتفوق عليها في
الكثافة .
الاقزام البيضاء هي
مصير الشمس فى النهاية و من امثلة الاقزام البيضاء (( Sirius B و van maanen ))
2...(النجوم
النيوترونية ) " Neutron star "
تاني نوع معانا وهو
النجوم النيوترونية والسؤال المعتاد اللى بنسأله
ازاى بيتكون النجم
النيترونى ؟
بيتكون من النجوم فائقة الكتلة والتى قد تبلغ
كتلتها من 4:8 ضعف كتلة الشمس عندما يحترق الوقود النووى كامل لهذا النجم يحدث له
انفجار كبير جدا يسمى با(( السوبرنوفا او المستعر الاعظم)) وهذا الانفجار يقوم
بقذف الطبقات الخارجية للنجم على شكل بقايا سوبر نوفا جميلة
لحد هنا تمام ؟
-تمام
اييه اللى حصل بعد كدة
وليه سموا بالاسم ده ؟؟!
بعد حدوث هذا الانفجار
تنهار المنطقة المركزية تحت تأثير الجاذبية والانهيار ده قوى جدا لدرجة ان تجتمع
الالكترونات والبروتونات لتكون النيترونات
. وعشان كدة سموا بالنجم النيترونى
- طيب النجوم دى من
انهى نوع طيفى ودرجة حرارتها قد اييه عرفنى عنها اكتر
= اصبر بس على رزقك .
هقولك يا سيدى
تعتبر النجوم النيوترونية دى من النوع الطيفى (D) . ودرجة حرارتها حوالي
600.000 كلفن .
و نسبة انتشار هذا النوع من النجوم حوالى 0.7%
.وسطوعها منخفض جدا جدااااا .
و بالاعتماد على
التلسكوبات الراديوية و اشعة اكس وجد
العلماء ان كتلة النجم النيترونى تبلغ حوالى 1.4 :3.2 ضعف كتلة الشمس
جاذبية النجم النيترونى
تعادل حوالى ٢ مليار من جاذبية كوكب الارض
وتكون الجاذبية دى كفيلة جدا لانحناء الشعاع الضوئى القادم من
النجوم العادية وتسمى هذه الظاهرة ب(( تعدس الجاذبية))
_ يعنى ايه ؟؟!
= يعنى جاذبية النجم
النيترونى تقوم بدور عدسة وبتغير شعاع
الضوء القادم من نجم تانى وده بيدى فرصة
لرؤية ما وراء النجوم دى
- تمام 😉👍
= و الجاذبية القوية
دى مجالاتها الكهربية والمغناطيسية قوية
جدا
و يعتبر النجم
النيترونى والثقوب السوداء هم اكثر الاجسام كثافة فى الفضاء
تعطى الجاذبية الكبيرة للنجم النيترونى القدرة على
الدوران بسرعة عالية جدا تصل ل 60مرة فى
الثانية الواحد وتقل سرعته بالتدريج مع مرور الزمن
تعيش النجوم النيترونية
حوالى 10:100000 مليار سنة
ومن انواع النجوم
النيترونية النجوم النابضة والنجوم المغناطيسية والتى تعرف بالوحوش.
ومن امثلة النجوم النيوترونية((PSRJ0108_1431))
3..(الاقزام البنية
) "Brown dwarfs"🌑
ثالث نوع
معانا وهى الاقزام البنية وده نوع كان محير العلماء نجم متنكر في صورة
كوكب. تعرف🙂 بالنجوم الفاشلة🙂
اطلق عليها هذا اللقب لانها تفتقر الى الكتلة الازمة لبدء اندماج ننووى في
قلبها . تتراوح كتلتها من اكبر الكواكب
الغازية واخف النجوم . فهى تملا الفجوة
بين اكبر الكواكب والنجوم . تتراوح كتلتها بين 13 الى 80 كتلة كوكب المشترى .
_طيب ليييه بنقول عليها نجوم ومش كواكب؟؟!
= عشان هى
ببساطة بتنتج ضوئها الخاص . بالرغم من انها غير قادرة على الاندماج
النووى ولكن يحدث بها اندماج الديوتيريوم وهو احد النظرائر النادرة جداا
للهيدروجين .
فى الغالب ضوء هذا
النوع من النجوم غير مرئى . وتتراوح درجة حرارتها من 300 الى 2800 كلفن .
_هى النجوم دى لونها
بنى فى الحقيقة ؟؟!
=فى الحقيقة لا لونها
مش بنى ده مجرد تسمية هى لونها احمر او برتقالى غامق شوية
ومن امثلة هذه النجوم ((Luhman16)).
4...(الثقوب
السوداء ) "Black hole "🕳
رابع نوع وهى الثقوب السوداء و دى بقى من اغرب
الحاجات اللي محيرة العلماء دى اللى عندها بتنهار القوانين ده الضوء بجلالة قدره
مبيقدرش يهرب منها . وكا العادة هنسأل
السؤال المعتاد
_ازاى اتكون الثقب
الأسود؟؟!
=هقولك لما بتوصل
النجوم الضخمه لنهاية حياتها يُستهلك الهيدروجين الذي كان يتحول
إلى الهيليوم لذلك تبدأ
هذه النجوم المتوحشة بحرق الهيليوم
وتنصهر بقايا الذرات الى عناصر أكبر وصولًا الى الحديد الذي لا يولّد انصهاره
طاقةً كافية لتماسك
طبقات النجم الخارجية فتنهار
هذه الطبقات للداخل و تنفجر مولدة انبعاثات لامعة تعرف بالمستعرات
العظمى او السوبرنوفا مع ذلك، يبقى جزءٌ
صغير من النجم دون أن ينهار، تتنبأ معادلات
النسبية العامة بأن كتلة هذا الجزء من النجم تبلغ
ثلاثة أضعاف كتلة شمسنا
ستتغلب قوة الجاذبية
الكبيرة لهذا الجزء
من النجم على كل
شيء و ستنسحق المادة المُكونة لهذا النجم بنقطة شديدة
الصغر ذات كثافة لا نهائية
الثقوب السوداء لها
انواع وهما
١..الثقوب السوداء
نجميه الكتلة
٢..الثقوب السوداء
فائقة الكتلة
٣..الثقوب السوداء
متوسطة الكتلة
_ طب انا عايز
اعرف اكتر عن الثقب الاسود؟؟!
=تقدر تقرأ المقال اللى
فات كان عن الثقب الاسود هسيب لينكه فى الكومنتات تحت
5...((الأقزام
السوداء))🌚🌚
هذه النجوم أكثر
افتراضية بطبيعتها. من المفترض أن يكونوا أقزامًا بيضاء قاموا بإشعاع كل ما تبقى
من حرارة وضوء.
نظرًا لأن الأقزام
البيضاء لها فترات حياة عالية نسبيًا ، فلم يكن لدى الأقزام السوداء الوقت الكافي
لتكوينها بعد.
وبكدة اكون خلصت
الموضوع اتمنى انى أكون قدرت اوصل المعلومات على قد ما قدرت ☺🌙
✨✨✨✨المصادر ✨✨✨✨
https://www.britannica.com/science/brown-dwarf
https://www.space.com/23798-brown-dwarfs.html
https://imagine.gsfc.nasa.gov/science/objects/dwarfs1.html
https://imagine.gsfc.nasa.gov/.../obj.../neutron_stars1.html
http://www.nasa.gov/.../nasa-knows/what-is-a-supernova.html
https://imagine.gsfc.nasa.gov/science/objects/dwarfs2.html
https://imagine.gsfc.nasa.gov/.../objects/black_holes2.html
![لوحات أدبية ثقافية، في: [ أساليب التعامل السوي ] = 8 =](https://blogger.googleusercontent.com/img/a/AVvXsEhooI4TSRwrBXLCpd44CATARumZvcSIG1VFEqn3SKUGG2FnvBTFXIsIkUKP42KbtlSS6zmqiffYVywzk1NJszW-cevAmiIuUzT2SB8YN74bCJ5WUWFpe1jfWOuZaPu-ZSiQjpU93G_11uBu1elMoGR3v1CZ4uK5hEoRkXOMXJIwCLiZg2aAFoOJrlsN=s72-w186-c-h516)
