شوقي عن إمكانية توقف الدراسة حال زيادة إصابات كورونا: «بقرار جماعى»
شوقي عن إمكانية توقف الدراسة حال زيادة إصابات كورونا: «بقرار جماعى»
أكد الدكتور طارق شوقي وزير التربية والتعليم والتعليم الفني، أن قرار توقف الدراسة حال زيادة أعداد مصابي كورونا في مصر، ليس قرار فردى وإنما يتم بعد مناقشات داخل اللجنة العليا لإدارة أزمة «كورونا».
وأوضح وزير التربية والتعليم، خلال مداخلة هاتفية مع
الإعلامى سيد علي في برنامج «حضرة المواطن» المذاع عبر فضائية «الحدث اليوم»: «أن
مثل تلك القرارات مبناخدهاش كأفراد واحنا في اللجنة العليا لإدارة أزمة كورونا
نناقش كل الأمور مثل التعليم والصحة والنقل والكافيهات والمطاعم وهنشوف طبعا اللي
هيتعرض علينا من وزيرة الصحة، ومستشار الرئيس والأجهزة السيادية وفي ضوئه بناخد
قرار جماعي».
وأضاف: «احنا في وزارة التربية والتعليم بنحاول نوازن
بين ده وبين أن احنا منحرمش الأولاد من السنة برضه زي ما قدرنا نعمل السنة اللي
فاتت واحنا في وضع كويس واحنا عملنا لسنوات النقل امتحان الترم الأول وعملنا
امتحان آخر مارس وفيه امتحان الأسبوع الجاي أخر ابريل الحالى وطلاب الشهادة لهم
امتحان في آخر ابريل وامتحان في آخر مايو وفي ضوء تصاعد أرقام كورونا هنقرر
الامتحانين دول هيمشوا في مواعيدهم ولا هنغيرهم».
واستطرد: «المسألة تحت السيطرة ومفيش حضور اجباري فمعندناش مشكلة كبيرة مع الشهادات وهي اللي تهمنا قوي عشان كده بنجاول نأدي الدور ده في الشهادات على الأقل»، مختتمًا: «بنطمن الناس إن الأمور هتمشي على ما يرام وكله هيعدي السنة على خير بإذن الله»
