"قصة حقيقية"
.....
"فينس"
كان مندمج جدا ف شغله ف ورشة تحطيم الطبقات الصخرية وده طبعا كان بيتطلب التفجير بالألغام، البارود كان بيدخله باستخدام قضيب حديدي وف عز اندماجه واحد من اللي بيشتغلوا تحتيه ناداه، التفت ليه .. وقتها اللغم انفجر والقضيب اللي كان في الثقب الصخرى طار وخبط "فينس"...
فينس كان حاسس بشوية دوخة وصداع ولقى أعداد كبيرة من العمال بتتجمع حواليه قام بهدوء برغم الصداع وقعد يستفسر عن اللي حصل بس الغريبة أن العمال كانوا بيبصوله بإندهاش، مش بيردوا عليه..ليه؟!
بدأ فينس يدرك أن في سيل دم بينزل من دماغه ، يمكن ده السبب..أو يمكن أن القضيب إخترق جمجمته وعمل فيها ثقب كبير وهو بيتحرك وبيتكلم بطريقة طبيعية! التقارير الطبية قالت القضيب لما اخترق الجمجمة دمر الفص الجبهي لدماغه وده أربك دكاترة وعلما الأعصاب لأنه ببساطة قام من الأرض واتحرك واتكلم عادي جدًا...."فينس" بدأ يعاني من الحمى تدريجيًا وحالته فضلت تسوء لحد ما فقد القدرة على الكلام..وأكيد طبعا المرحلة اللي بعديها أنه يموت، ده كان المفروض من وقت ما القضيب اخترق راسه بس بعديها وبعد قمة المرض والتعب وفقدان النطق وإنسحاب مؤشرات الحياة تدريجيًا، رجعت زهرته تتفتح! ببساطة رجع يتحسن تدريجيا، صوته رجع ووعيه رجع وجسمه معافى غير مصاب كما ولدته أمه رجع! زي ما يكون دخل نفق ما بين الحياة والموت وف آخر النفق لف ورجع للحياة... مفيش غير عينه الشمال إتعمت لأن القضيب اخترقها..العجيب أن الثقب كان واسع جدا لدرجة انك تشوف جمجمته وانت بتكلمه!
وبسبب ده اشتغل في السيرك وعاش كتير ومات بالصرع يمكن بسبب إصابته القديمة ولحد النهارده الطب والعلم بمفاهيمنا وقف محتار و "فينس" أثبت للعلم أن علمنا محدود وأن لله في خلقه شئون...
ملحوظة:
الجمجمة والقضيب معروضين ف جامعة هارفارد
***********************
***********************
