تعليمقالوا
وزير التعليم: لازم نتخلص من فكرة المنظرة بالشهادة... لازم نتفق إن عندنا مشكلة!.. هل ممكن ندعي أن الخريج المصري يماثل نظيره السنغافوري؟
أكد الدكتور
طارق شوقي وزير التربية والتعليم، أن مصر ماضية في تنفيذ خطتها فيما يتعلق بقضية
التعليم 2030، مشدداً على أن الأمر بعيد لكن الوصول إليه يتطلب تعاون كافة الأطراف
المشاركة في العملية التعليمية.
وتابع في تصريحات له خلال الأسبوع العربي الأول للتنمية
المستدامة:"في حاجات كويسة بتدعوا للأمل فحنا حتى رؤية 2030 بعيدة، وعندنا
أمل نوصلها قبل 2030 بس بتعاونا كلنا، خصوصاً أولياء الأمور والمعلمين".
وأضاف:"لازم نقتنع إننا في معركة واحدة مش الدولة بتعمل
حاجة ضد رغبة أولياء الأمور، دي مش معركة دي مهمة واحدة مشتركة لو كنا عايزين نوصل
للكلام اللي بنقوله دا".
وأكد الدكتور طارق شوقي ، أن هناك ضرورة لأن تتغير نظرة المجتمع
للشهادات العلمية وأهمية الحصول عليها، وأضاف : "بالتالي فكرة إن التعليم
هدفه الوحيد الشهادة دي حاجة ثقافياً إن احنا عندنا تعليم، لكن لازم نتخلص منه
فعلا الوجاهة الاجتماعية بالشهادة والمنظرة".
وشدد الوزير على ضرورة الاهتمام بما يتلاقاه الطلاب، قائلاً:
"لازم نشوف الولاد دي اتعلمت في الحقيقة والواقع ولا لأ، دا مش كلام سياسي
احنا دلوقتي في امتحانات معيارية بتحصل للولاد في رابعة ابتدائى وتانية إعدادي
بيقارنوا فيها الولاد بالدول التانية، واحنا مراكزنا متأخرة جدا في الحاجات".
وحول المستوى العلمي لدى بعض الطلاب مقارنة بالدول الأخرى قال
الوزير: "احنا بنفرح هنا بالـ 90% اللي هي يتقابل بره 40%، فأنا بقولهم انتوا
درجاتكم 40% مش 90% لأن يبقى ظلم لو قولتلهم انتوا شطار جداً، احنا كدا بنضحك على
بعض دا اللي احنا بقى مبنستفدش بيه".
أوضح الدكتور طارق شوقي وزير التربية والتعليم والتعليم الفني،
الفارق بين المستوى العلمي للطالب المصري مقارنة بغيره من الطلاب في الدول الأخرى،
وذلك من خلال تباين الدرجات العلمية التي يتحصلها كل طالب.
وقال "احنا لازم نتفق إن عندنا مشكلة المشكلة واضحة إن في
الآخر خالص بتطلع ألقاب أو أرقام، بس هل نقدر ندعي إن الخريج المصري في كذا زيه زي
نظيره في سنغافورة؟".
وتابع: "لازم نتأكد من المستوى سواء فى التعليم قبل
الجامعي أو الجامعي وصل للمرحلة دى فحنا علشان كده عملنا إطار عام في المناهج زيه
زي اللى في الغرب تماماً"، مشدداً المناهج الجديدة ممتازة وبنحاول ندرب
المعلمين، وما يحدث فى رياض الأطفال مبشر جداً علشان كده مش سامعين عنهم
كتير في ثانوي بنحاول نغير شوية أو نصلح من اللي حصل مع الأولاد لحد الإعدادية وهو
فكرة المسائل المحفوظة والإجابات المحفوظة وتلك قصة شائكة"
***********************
***********************
