نركز كدا ومتفوتش البوست عشان الموضوع دا مهم جدا 👍
الالتهاب السحائي
👌
هو عدوى بكتيرية أو فيروسية تصيب الأغشية المحيطة بالمخ والنخاع الشوكي، والتي تحتوي على السائل الشوكي وتسبب التهاب واستسقاء بها،
وكثيراً ما تصاب الأغشية السحائية بالعدوى نتيجة انتقال البكتيريا أو الفيروسات لها من أعضاء أخرى بها عدوى وخاصة في حالة التهاب قناة الأذن الوسطى أو التهاب الجيوب الأنفية.
أعراض الالتهاب السحائي عند الأطفال:👌
تظهر اعراض الالتهاب السحائي من 3 إلى 7 أيام من تعرض الطفل للبكتيريا، وقد تظهر على الطفل اعراض الالتهاب السحائي بعد يوم أو يومين من إصابته بنزله برد أو إسهال أو قيء، ومن أعراضه:
™️- ألم في الرقبة والظهر.
™️- الشعور بالصداع والإرهاق.
™️- الشعور بالنعاس وصعوبة الاستيقاظ.
™️- ارتفاع شديد في درجة الحرارة.
™️- حساسية تجاه الضوء.
™️- تشنجات واضطراب واختلال في الوعي.
™️- غثيان وقيء.
™️- الطفح الجلدي .
👇👇👇👇👇👇👇👇👇👇👇👇👇
👇هنعيد تاانى بالشرح .. ركزووو👇
الالتهاب السحائي
هوو حاله من الذعر تنتاب جميع الأمهات والآباء بسبب موضوع انتشار الالتهاب السحائي😩😩😩
تليفونات كتيره ورسائل اكتر هو فعلا فيه انتشار للالتهاب السحائي 🤔🤔🤔
😢😢😢 لا يا جماعه ان شاء الله حالات الالتهاب السحائي في معدلها الطبيعي بمعني انها موجوده يوميا لو روحنا مستشفي الحميات في أي مركز أو محافظه هنلاقي فيها حاله التهاب سحائي مش في الوقت ده بس دا علي طول وهي الان في معدلها الطبيعي 🙏🙏
طب حكاية موضوع الحاله اللى توفت في الاسكندريه دي 😔😔
😢😢😢 دي طفله توفت بعد أعراض سخونيه شديده وصداع وتشنجات وأكد المسؤولين هناك انها توفت بسبب تلوث بالدم septicemia وان نتيجه بذل النخاع سلبي والله اعلم 🙏🙏🙏😍
طب انا ابني عنده دور برد اعمل ايه خايفه اوي 😩😩😩
🙏🙏🙏🙏 ولا أي حاجه اتعاملى معاه عادي جدا ولا داعي للتوتر والقلق ومش كل دور برد يبقي التهاب سحائي لقدر الله
طب في مدرسه ابني أو المدرسه اللى جنبه شاكين في حاله التهاب سحائي انا كدا مش هودي ابني المدرسه😩😩😩
لا ودي ابنك عادي جدا ومتخافيش طالما مفيش احتكاك مباشر ما بينه وما بين الاطفال المشكوك فيهم لأنه لاينتقل بالنفس المباشر ولكنه ينتقل بالرزاز المباشر عن طريق العطس أو الكحه ولمس الأشياء الخاصه بالمشكوك فيهم 🙏🙏🙏🙏
طب أنا امتي اشك في ابني 😔😔😔😔
مش أنتي ال هتشكي أو هتشخصي الطبيب المعالج لابنك هو اللى هيشك أو هيشخص❤️❤️❤️❤️
طب امتي اخاف وأروح للدكتور 😩😩😩😩
هتروحى للدكتور لو ابنك حديثي الولاده وسخن وعنده خمول وبينام كتير ومعاه عصبيه زيادة ومكن تشنجات 😢😢😢 يعنى الاعراض اللى قولناها فووق ☝☝
ولو ابنك كبير وعنده ترجيع وسخونيه وصداع شديد وزغلله بالعين مع عدم القدرة علي تحريك الرقبة أو يصاحب الحركه الم شديد بالرقبة ومعاها تشنجات وفقدان الوعي في الحالات المتأخرة 😢😢😢😢
طب لو روحت للدكتور اعمل ايه🤔🤔🤔😍
الدكتور هو اللى هيعمل 》》》
هيعمل الاول صوره دم كامله ونسبه ميكروب بالدم ولو لقي مشكله هيطلب عينه بذل من النخاع الشوكي 😢😢😢😢
طب لو لقدر الله طلع فيه قلق😢😢😢😢
ان شاء الله مفيش قلق لو الموضوع اكتشف بدري بمعني لو الأعراض موجوده لازم تروحي للدكتور فى البداية مباشرة عشان يكتشف الموضوع من بدري😍😍😍
طب لو اتشخص التهاب سحائي اعمل ايه😢😢😩
أنتي برضه مش هتعملي الدكتور هو ال هيحجزك في المستشفي لو النتيجة طلعت بكتيري هياخد علاج ٢١يوم ولو فيروسي هياخد علاج ١٤يوم😢😢😢
طب انا ساعتها هاخد ايه 😢❤️😢
هتاخدي جرعه مضاد حيوي ريمكتان أنتي وكل اللى اتعاملوا مع الطفل ومن اولكم الدكتور 😩😩😩
طب لو في فصل ابني أو مدرسه ابني اكتشفوا فعلا حاله التهاب سحائي 😢😢❤️
ساعتها هتتجهي للدكتور ويحدد لابنك جرعه الريمكتان المناسبة لسنه😍😍
طب هو ايه سببه🙏🙏🙏
ممكن يكون بكتيري ؛ أو فيروسي
🔻 طب الوقاية لأولادي ازاي منه 🙏🙏🙏
تنبهي علي ابنك ميستعملشي مناديل حد او مياكلش مكان حد أو يبقي فيه احتكاك مباشر مع حد ونأخذ مقوي للمناعه في حاله ضعف المناعه❤️❤️❤️
وطبعا التطعيم🙏🙏🙏
طب التطعيم واقي ١٠٠/ يادكتور؟؟؟
لا التطعيم واقي بنسبه ٨٠/فقط 🙏🙏🙏
يعني اخده ولا لاه 🙏🙏🙏🙏
لو عندك فرصه أو إمكانيه خديه❤️❤️❤️
لو معندكيش أو مش لقياه لاداعي للقلق والتوتر🙏🙏🙏🙏
يعني اودي ولادي المدرسه عادي 😢😢😢😢😢
طالما مفيش حالات مشتبه بها ودي وسيبيها علي الله🙏🙏❤️❤️❤️❤️😔
بوست طويل شويه بس اتمني كلكم تقرؤوه❤️❤️🙏🙏🙏🙏🙏
طب ايه نظام التطعيمات😢😢😢
تطعيم المكورات الرئويه وده بيتاخد في اول سنه عند شهرين و أربع شهوور و6 شهوور وجرعه تنشيطيه عند عمر السنة ونصف .
وتطعيم السحائي فيه بتاع المدارس بيدي وقايه ٣سنوات في اول كل مرحله .
. وبيتم التطعيم فيه Kg1 ؛ واولى مرحلة ابتداائي ؛ واولى مرحلة اعدادى ؛ وأولى مرحلة ثانووى
وربنا يسلم اولادنا جميعا 🙏🙏🙏🙏🙏🙏
ومتنسوش منشن وشير عشان نطمن كل ام قلقانه علي ابنها❤️❤️❤️❤️❤️
***********************
***********************
![لوحات أدبية ثقافية، في: [ أساليب التعامل السوي ] = 8 =](https://blogger.googleusercontent.com/img/a/AVvXsEhooI4TSRwrBXLCpd44CATARumZvcSIG1VFEqn3SKUGG2FnvBTFXIsIkUKP42KbtlSS6zmqiffYVywzk1NJszW-cevAmiIuUzT2SB8YN74bCJ5WUWFpe1jfWOuZaPu-ZSiQjpU93G_11uBu1elMoGR3v1CZ4uK5hEoRkXOMXJIwCLiZg2aAFoOJrlsN=s72-w186-c-h516)
